Gnari dè Chernobyl



L’émpo dè agn che i ria éndéla nostra Vàl.
I part d’én paès sfùrtùnàt
pér culpa dei granc che gà comandàt
i sà ch’én dè o l’otér pol vigniga én brèt mal.

I vè pér poc dè
picinì e grandéi.
I lasa la famia de drè
néla speransa dè stà méi.

I parla dificil per noaltér italià
ma i sè fà capì én dén momént
argù jempara persina él brèsà
da fà rèstà a boca deérta chéi chè ia sént.

La parténsa l’é él momént pö brot,
dè lacrime s’èn vét tante fèss.
E’l cor i ghà lasàt tot
en déle case dei nòs paèss.

Carlo Belotti